Thursday, March 6, 2008

كليه طب طنطا تغرق ....غريييييييييييق

فى صباح يوم مشرق جديد وكعادتنا ذهبنا إلى الكليه فى تمام الساعه الثامنه والنصف والجو بديع والدنيا مش ربيع بس جميله _من ناحيه ظروف الجو _علشان محدش ييجى يقول جميله منين والأسعار بتزيد ويدخلنا فى متاهات وكلام إحنا مش أده..المهم الحمد لله زى كل يوم أخدنا الراوند كأننا بناخد شاور فى السريع كدا وبعد ما خلصنا الراوند وكالعاده بنجتمع عند مدخل الكليه والحمد لله كل حبايبنا موجودين بدايه من كبيرنا وكبير حتتنا أبو طه ونونو اللى فى الحته الشمال والفؤش روحى فيه والبدرى صاحب صاحبه وفلافيو بين قوسين طارق وأبو ماضى الصديق الوفى وجوجو اللى بييجى كل فين وفين زى الفراشه يرش علينا ويمشى وطبعا صاحبنا الطويل برجولته وبأخلاقه علاااااااااام وطبعا العدل حبيبى أبو نظاره ريبان ومن هنا بقوله أمى بتسلم عليك وبتقولك ماتنساش تجيبلى النظاره الريبان معاك بكره بتاعتى
-------------------------------
وبعد ما تجمعنا كلنا اتفقنا نعمل زى كل يوم واللى هو ايه اننا نروح المكان المفضل لقلوبنا جميعا وهو ياسمييييييييييييينا يا حبيبتى كم نحن نشتاق إليكى يا ياسمينا .. شدينا الرحال إلى ياسمينا وكل واحد منا يحلم ماذا سيفعل عندما يأتى إلى ياسمييينا وطوال الطريق كل واحد مننا مشغول حيطلب إيه لما يروح على ياسميييييينا...الحمد لله وصلنا بالسلامه لياسمينا وقعدنا جوه علشان نتفرج بالمره واحنا بنفطر وكل واحد طلب الطلبات اللى كان بيفكر فيها طول الطريق
-------------------------------
وبعد أن انتهينا من الأكل قررنا أن نعود إلى وطننا الأصغر ألا وهو البيت ودخلنا الكليه من بوابه بابا عصام لنخرج من بوابه علوم فاذا بنا نرى منظر يقشعر منه الجنين ... ياللهو كم هو فظيع كم هو مريب ! ياله من منظر ولا أى منظر أتينا فى الصباح ولم يكن هناك هذا المنظر الذى ظهر توقعنا أن أحدا يريد أن يقيم فينا فصلا أو انسان بيهزر معنا فاذا بالمجارى تطفح على امتداد الشارع بدايه بوابه كليه علوم من الخارج امتدادا بمستشفى الجامعه حتى نهايه الشارع واذا بزملائا يقولون لنا بان أمام كله العلوم أيضا المجارى تطفح فاذا بنا ننظر خلفنا لنرى نفسنا محاصرين وكأنا فى جزيره تحاط بنا المياه من جميع الاتجاهات
-------------------------------
ماذا نفعل فى هذا الموقف
واذا كل واحد منا ينظر إلى الآخر فى ذهول ماذا نفعل واذا بنا نرى الناس مشمره عن سيقانها لتعبر هذه المياه وكانو يشبهون لاعبى الباليه فى تزحلقهم على الباليه ماذا نفعل ؟
وهنا خيم السكوت علينا واذا بصديقنا علام الشهم الهمام يكشر عن أنيابه ويقول لنا عندى فكره واذا به يقول سأستغل طولى _طول علام حوالى مترين ونص وبعض الكتب تقول ثلاثه_ واذا به يفرد جسما فوق المياه حتى نعبر من فوقه _فكره عمل الكوبرى_ يالروعتك يا علام كم تضحى من أجلنا واذا بأبو طه يعبر أولا ثم النونو ثانيا ثم أنا ونتوالى الواحد تلو الواحد حتى عبرنا كلنا يالها من تجربه وأى تجربه
-------------------------------
المهم فى الحكايه أن المجارى لو قلت دائما بتضرب فى الكليه وأمام مستشفى جامعه طنطا وبيكون هناك منظر غير حضارى أبقى بفترى عليها أنا مش ببالغ لو قلت هى امتى بتكون مش ضاربه أساسا مش عارف ايه السبب انها تطفح كل شويه كدا
المهم اننا احنا اللى بنتعذب فى الحكايه دى كلها وكان رد فعل المسئولين على الحكايه دى كثر ألف خيرهم انهم أقامو بوابه جديده على الطرق السريع بوابه رائعه الصراحه نفسى أدخل منها فى يوم من الأيام علشان لما ييجى أى مسئول زى المحافظ أو رئيس الوزراء أو أى مسئول يدخل منها بعيدا عن المجارى وبوابه كليه علوم ... ياله من حل رائع واحنا نولع بجااااااز يا ريت يشوفولنا حل فى المضووع دا بدل ما احنا بنقعد نشمر فى سيقانا والعربيات تطرتش علينا ميه يرحمونا ويشوفولنا حل











ودى صوره البوابه الجديده لاستقبال الساده الزوار فقط لكر لا يروا المجارى من البوابه الأخرى علما بأنهم كانوا يأتوا إلى المجمع من هذه البوابه سابقا


عدسه وتصوير حبيب قلبى علام

43 comments:

modymodak said...

هههههههههه الله يحظك يا شيتوس دا كان يوم مسخره يا جدع

والله العظيم ازبل مكان فيكي يا طنطا مستشفي الجامعه

ولسه يامه هنشوف وهنشوف

لا انا لازم اكلم دادي يجيبلي عربيه هههههه

توب علينا بقي يالله

CheToS said...

modymodak

فاكر انت اليوم دا أظن يوم تاريخى فى حياه البشريه لا ينسى .. طيب ما تيجى نجيب عربيه شركه أنا وانتى ولا حتى عربيه ميكروباص يبقى منها ضمنا شغلانه بعد الطب نشتغل على ميكروباص ومنها نروح بيها الكليه

Anonymous said...

والله انت اللي كبير بلدنا يبو حميد و كويس انى جيت بدري عشان الحق اشترك معاكم في الميكرو باص و يريت بعد الكلية أخد شيفت عليه بس يكون متأخر لأنى اتخنقت من الصحيان بدري وفعلا كتر خير المسئولين انهم عملوا بوابة جدية اي نعم هيا للمسئولين بس لاحظ انها بردوا بتخلي شكلنا كويس قدامهم .. كتر خيرهم والله .. المسئولين دول ناس جامدين بجد .. أنا مش هقول يرتنى كنت معاهم ولكن هأقول .. يا تري مين وراهم ؟

T.A.H.A

CheToS said...

T.A.H.A

عمى وعم عيالى الصغيرين يا كبييييييييرنا يا منورنا ومشرفنا

يا زعيم جنشترك كلنا فى ميكروباص مع بعض ان شاء الهل وزى ما تحب لو عايز الشفت بتاعك بالليل حنظبط مع بعض وان شاء الله حنعمل كمان مشروع وهو مشروع التوك تك اهو حاجه برضو لزياده الدخل

وبالنسبه لمين الى وراهم أشك أنه بيبســـــــى الراعى الرسمى لمنتخبنا ههههههههه

د/اجدع بنوته said...

ممكن تدخلونى معاكم

ف الميكروباص التيوتا ده

هدخل بنفرين

واشيل شيفت وتباع

هههههههههههه

الواحد يدوب يأمن مستكبله

last knight said...

يخرب عقلك يا كبير
ههههههه اديهم في الجون
يا زعيمنا
اهو ده الكلام
مش الصور دي اللي اتاخدت يوم امتحان الجلدية
بتاع آخر السنة
يا ريس ؟؟
-----------

appy said...

بص يا شيتوس لا سيبك من كل ده انا كان نفسى اشوف الواد حبيبى علام ابو طويله ده وهو عامل كوبرى هههههههههه
لا بجد طيب يا شباب ياللى زى الفل روحوا المجلس المحلى وقدموا شكوى واسعوا وراء الموضوع واكتب عنه كلكم بس بعد تقديم شكاوى علشان بجد منظر حرا بس الحق امشى علشان رايحه اقدم شكوى فى جهاز مدينة القاهرة الجديدة ههههههههههههه

al_qassam said...

ههههههههههههه واد ياشيتوس مش مصدقه بتخيل منظركم وانا فطسانه من الضحك اشكرلى صديقك دة وفعلا الطول هيبه والقصر خيبه
بس انا بعدى يعنى مشوفتش ليه ولا هى نشفت
المهم دة كان زى العسسسسسسسسسسسسسسسل هههههههههه
صحيح حد تزحلق ههههههه
تقبل مرورى

CheToS said...

د/اجدع بنوته

هههههههههههه دا على أساس يا دكتوره انك مش حتكونى مسئوله من زوجك ولا ناويه انتى اللى تشتغلى وهو يربى الأولاد ههههههههه
خلاص نعمل حسابك معانا انك تدخلى بنفرين وأنا داخل بنفرين برضو لعل وعسى يساعدو الواحد شويه فى المصاريف

CheToS said...

last knight

كبيرنا أبو ماضى يا حبيبى يا مشرفنا
هى يا زعيم بغباوتها الصور الىل صورناها فى آخر يوم لينا السنه المشئومه السنه اللى فاتت فى امتحان الجلديه وعلى دا الحال زى ما انت عارف يا كبيييييييير كل يومين المجارى تضرب فالواحد ضاق بيه الحال يا زعيم فانفجر زى المجارى ما بتنفجر وقلت أطلع غلى شويه على النت

CheToS said...

appy

علام حبيبى هو أول من أدخل فكره عمل الكوبرى وعواميد الكهربا فيكى يا مصر ولله الحمد

بالنسبه للمجلس المحلى هو يعنى ايه مجلصس محلى ؟ هما عارفين والله والساده المسئولين ربنا يخليهوملنا عارفين والسيد عميد الكليه والسيد رئيس الجامعه عارف فكان قرارهم الوحيد انهم يعملو بوابه جديده لاستقبال الساده المسئولين عند زيارتهم للمجمع الطبى علشان فضيحه المجارى دى ما تبانش لو جم من شارع البحر هو دا كان الحل الىل فى ايدهم انما غير كدا ما أظنش انهم يعملو حاجه
وعلى رأى كبينا ابو طه
يا ترى مين وراهم ؟

CheToS said...

al_qassam

انتى كل يوم بتثبتيلى انك عايشه فى غيبوبه المجارى موجوده من أول بوابه علوم لغيت آخر الشارع وانتى حتشوفيها فين إن شاء الله وانتى كليتك فى سيبرباى ولا إنتى بتيجى المجمع عندنا من غير ما تقوليلى ... لو بتزورى المجمع الطبى ابقى زمرى وسلمى علينا هناك

al_qassam said...

والله بروح ولا هى علشانكم بس ياخويا وبعدين ايه الذله دى بقه وتعالى هنا بتقولى ابقى زمرى شايفنى ايه ليييييك يووووووم وانتا الى هتسوق القطر على فكرة واخوك بالمرة هيكون معاك على فكرة انا بهزر زى ماانتا هزرت هههههههههه تقبل مرورى ياباشا

CheToS said...

al_qassam

عندنا فى المجمع الى يبلغ على حد مش فى معانا فى المجمع ياخد عشره جنيه فابقى عرفينى يومها علشان ابلغ عنك واخد عشره جنيه وكله بثوابه.... بالنسبه للقطار أنا صاحب النظريه دى وصاحب الفكره دى وماتقلقيش لو مش عجبك انك تكونى سواقه القطار مكانك محفووووظ جنب السواق ههههههههه منوره المدونه ودى بتاعتك برضو

أسامه يوسف said...

معلش على التأخير عليك
بس النت كان بايظ

وبعدين ما كل حته فى مصر بتطفح يا راجل
اصل احنا دوله طافحه على وزن ناميه

-----------
انت قولتيلى انك فى طب طنطا
يعنى د/أحمد خالد توفيق عندكم
هاها
عندكم
والنبى رد عليا
------------
انا مررت ليك تاج ابقى رد عليه

al_qassam said...

شيتوس من الاخر كدة انا مش موافقه على حكايه القطر دى المهم ليك تاج عندى تعالى خدو
صحيح ايه كلو بثوابه دى هانت العشرة ماشى

CheToS said...

أسامه يوسف

ولا يهمك يا زعيم .. أنت منور مدونتى المتواضعه دى ولسه برضو النت قارفنا كلنا مش عندك بس

أيوه معاك المجاره طافحه فى مناطق كتيره بس لما تكون طافحه قدام مستشفى جامعه طنطا وداخل المجمع الطبى يبقى فيه وقفه وقاعده كمان فى الموضووع دا مش كدا ولا إيه

أيوه يا زعيم الدكتور أحمد خاللد توفيق خريج طب طنطا وياما طب طنطا خرّج عظااااااااااام والأمثله كتييييييييره ههههههه عايز تجول وتيجى طنطا ولا إيه لو عايز متهيألى الموضوع ممكن يكلفك واسطه جامده جدا علشان تيجى طنطا وتشوف المجارى هههههههه

CheToS said...

al_qassam


ههههههههههه منوره المدونه المتواضعه دى يا ستى أدينا بنهزر وأنتى عارف كدا لو معترضه على مكانك فى القطار ممكن تركبى القطار اللى بعده حيكون مكيف وأسبانى كمان ههههههههه

al_qassam said...

لا ياريس مينفعش احنا اتفقنا خلاص اننا نعمل قطر تالت وانتا الى تفتحو ياكبير واوعدك اول ماتدخل هنولع علطوووووول يلا تحيااتى يازعيم

حسن توفيق said...

اخى الفاضل

دعوة
للتضامن مع


حملة حماية

والتى اطلقها الداعية الاسلامى الكبير

عمرو خالد

فى انتظارك لاتتردد

قلب أبيــض said...

حبيبى


معلش

ليك تاج عندى
عن العزوبية


ياريت تاخدة

وتجاوب علية


ضرورى
وتبلغنى

مروة الزارع said...

طبعا انت كنت فرحان ونفسك تندك تحت الارض مش كدة

ههههههههههههههههه

قول قول متخفش

فاطمة الزهراء said...

حياك الله

دخلت هنا واستمتعت بمواضيع مدونتك الرائعة اخي

بارك الله فيك

تحياتي وتقديري

Anonymous said...

ص): دعاء إذا قلته تشتاق لك الجنة كما تشتاق لها أنت... قال جبريل عليه السلام يا محمد والذي بعثك بالحق لا يدعوا احد بهذا الدعاء إلا غفرت له ذنوبه واشتاقت إليه الجنة واستغفر له المكان وفتحت له أبواب الجنة فنادته الملائكة يا ولي الله ادخل من آي أبواب الجنة تشاء. اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك دينا قيما وأسألك العافية من كل بلية



ص): لوانتا بتحبني في الله زي منا بحبك في الله ابعت الرساله دي علي قد ما تقدر يمكن تكون سبب في دخولي انا وانتا الجنه ان شاء الله ** سبحان الله وبحمده سبحان الله العظيم** لو تعبان او زعلان او مضايق قل لااله الا الله محمد رسول الله امانه في عنقك الي يوم الدين تر سلها الي كل الايميلات الي عندك حتي لو انا منه اقسمت عليك بالعزيزكيف أدعوك وانا عاص وكيف لا ادعوك وانت كريم اللهم لا تشمت أعدائي بدائي واجعل القران العظيم دوائي وشفائي أنت ثقتى ورجائي واجعل حسن ظني بك شفائي اللهم ثبتنى علي عقلي وديني وبك يارب ثبت لي يقيني وارزقني رزقا حلالا يكفيني وابعد عني شر من يؤذيني ولا تحوجني لطبيب يداويني اللهم استرني على وجه الأرض اللهم ارحمني في بطن الأرض اللهم اغفر لي يوم العرض


نصيحة حلوه على الصبح ... إن اعتدت على قول بسم الله الرحمن الرحيم عند شروعك بكل عمل تقوم به، فغداً أيضا يوم القيامة و عندما تعطى صحيفة أعمالك بيدك، فستقول قبل قراءتها بسم الله الرحمن الرحيم ، جرياً على ما اعتدت عليه فى الدنيا، فإذا بذنوبك قد محت، فتسأل ماذا حدث، فيأتى النداء: يا عبدى، لقد دعوتنى بالرحمن الرحيم، فعاملتك بدوري وفق هذه الرحمة . ارسلها الى كل اصحابك



يا أرحم الراحمين اللهم إليك مددت يدي وفيما عندك عظمت رغبتي فأقبل توبتي وأرحم ضعف قوتي وأغفر خطيئتي وأقبل معذرتي وأجعل لي من كل خير نصيبا وإلى كل خيرٍ سبيلا برحمتك يا أرحم الراحمين اللهم لا هادى لمن أضللت، ولا معطى لما منعت، ولا مانع لما أعطيت ولا باسط لما قبضت، ولا مقدم لما أخرت، ولا مؤخر لما قدمت اللهم لا تحرمنى سعة رحمتك، وسبوغ نعمتك، وشمول عافيتك، وجزيل عطائك ولا تمنع عنى مواهبك لسوء ما عندي، ولا تجازني بقبيح عملي، ولا تصرف وجهك الكريم عنى



ادلك على كلمة تقولها بدقيقة واحدة تحصل بها على اكثر من (1000,000,000,000) حسنة. (مائة مليار حسنة)بل اكثر والله يضاعف لمن يشاء نـــعـــم : قل .. (((أستغفر الله العظيم التواب الرحيم لذنبي وللمسلمين وللمسلمات وللمؤمنين وللمؤمنات الأحياء منهم والاموات إلى يوم الدين))). فأذا كنت تتعاجز عن نشرها فلا تنشرها فأنت لا تستحق اجرها: الرساله دى لاصحابك):



حسنات كالجبال استغلها الأن 1-قراءة القرآن عموماً من أهم وأسرع مضاعفة الحسنات لأن الحرف بحسنه والحسنة بعشر أمثالها . 2- قراءة سورة الفاتحة 10 مرات فتحصل على أكثر من 12000 حسنه. 3- قراءة سورة الإخلاص 10 مرات تعني حصولك على بيت في الجنة بإذن الله . 4- قراءة القرآن باستمرار تعني انه سيكون شفيعاً لكم يوم القيامة .



دعاء فك الكرب انشرها عسى الله يفرج همك " لا اله إلا الله الحليم الكريم لا اله إلا الله العلى العظيم لا اله إلا الله رب السماوات السبع ورب العرش العظيم " إذا كان نشرها سيرهقك فلا تنشرها فلن تستحق اخذ ثوابها لان ثوابها عظيم








: السلام عليكم ورحمه الله وبركاته بسم الله الرحمن الرحيم إذا لم تستطع أن تنظر امامك لأن مستقبلك مظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتنى بك.. يحميك ...ينصرك... يسمعك ...يراك...انه (( الله )) ما أخد منك إلا ليعطيك...وما ابكاك إلا ليضحكك...وما حرمك الا ليتفضل عليك...وما إبتلاك إلا لانه يحبك..."سبحان الله وبحمده سبحان الله العظيم " من فضلك ارسله



تخيل انك واقف يوم القيامة وتحاسب ولست ضامن دخول الجنة وفجأة تأتيك جبال من الحسنات لا تدري من أين من استمراربقول : سبحان اللـه وبحمده سبحان اللـه العظيم ولتضاعف هذه الجبال قم بإرسال هذه الرسالة إلي ثلاثين شخص غيرك ملحوظة : هذه أمانة فـي عنقك إلي يوم القيام.




ص): قناة الفجر المتخصصة فى القرآن الكريم ستغلق لعدم قدرتها على دفع مستحقات النايل سات. بالله عليكم هل يعقل أن يوجد شباب فى مصر يدعمون ستار أكاديمى بالملايين و لا ندعم قناة القرآن الكريم. لدعم القناة أرسل رسالة فارغة إلى 9331 من أى محمول. من فضلك قم بإرسال هذة الرسالة إلى أكبر عدد ممكن من الأصدقاء بعد ان تقوم بإرسال الرسالة الفارغة و احتسب أجر تلاوة القرآن على هذة القناة إذا قدر الله

rodi said...

انتوا صعبانين عليا اوى يا بتوع طب
بجد مش من باب الرخامة يعنى انتوا اللى مربوطين بالكتاب من وانتوا صغيرين ولسه مربوطين بيه والعالم كله عمالة تنق عليكوا
وفى الاخر هتطلعوا تشتغلوا دكاترة وتاخدوا كام ده لو اخدتوا ولو اشتغلتوا اصلا وبرده النق شغال
وطبعا اى محل تشترى منه او اى حد يقدملك خدمة بفلوس لازم يفترى عليك ما انت دكتور ويادوب كشف م العيادة وتستحملوا الستات الاراريب تيجى العيادة تقعد تحكى على جارتها العلانية اللى شارت عليها بكذا وممكن ولا ما ممكنش وكمان ممكن تطلع تقول عليك ما بتفهمش عشان اديتها دوا غير اللى اختها خدته من دكتور كبييييير اوى ف مصر
وكل ده ومستحملين فى سبيل اللقب والبالطوا الابيض وكمان ما فيش كلية تصلح للاستخدام الادمى قلبى معاكوا اصلى عارفة المعاناة

وعلى فكرة انا استعرت صورة مصر مش كده لو معنكش مانع

Hossam said...

hahahahahhahahahahaha really nice pics.
تعرف انا من طنطا وعايش فيها بس عمرى مفركت من شكل البوابة ان الكلية شكلها كده من جوة
دى بتغرق فعلا.هههههههههههههههه
بجد بوست تحفة
اتمنى شاوفك قريب
bye bye

دكتور بهــدوء said...

ادي حال كليات الطب
كلنا هذا الرجل


وكل كليات الطب بتغرق كده
دي ميزه يا ولاه
ومن خير بلدنا

اتحادالمدونين المصريين said...

اخى الفاضل

اختى الفاضلة

عضو اتحاد المدونين المصريين

انصحك بالتواصل مع موضوع لحمايتك مما

قد يوقعك تحت طائلة القانون ونحن نعمل

لمصلحتك وحمايتك ..

فى انتظارك بمدونة الاتحاد ولك كل الشكر

نعمل من اجلك ولوجه الله
----
اين شعار الاتحاد ؟

CheToS said...

al_qassam

ها طمنينى عليكى عملتى ايه فى الامتحانات والنتيجه ايه علشان لو اللى انتى مش عايزاها حتركبى القطار ابو درجه أولى كمان
هههههههههه

CheToS said...

حسن توفيق

أشكرك على اهتمامك بالحمله والحمد لله تم التضامن معها سواء بتوزيع البوسترات فى الاماكن المختلفه أو بالتفاعل مع حركه حمايه عندنا فى الكليه أو فى طنطا

CheToS said...

قلب أبيــض

حد يا جماعه من اللى بيوزع التيجان دى يعرفى معناها ايه سورى أنا كنت فاصل نت من فتره طويييييييييله ورجعت لقيت تيجان وحاجات حلوه كدا يا ريت تعرفونا الموضوع لانه شكله كبيييييييير
وبكرر أسفى لعدم تواجدى الفتره الى فاتت لأنى كنت فاااااصل نت
وألف شكر يا زعيم على اهتمامك

CheToS said...

مروة الزارع

لا لا لا دى مهما كانت كليتنا اللى مربيانا وخيرها علينا ولحم كتافنا منها
هى الىل مأكلانا ... هى اللى مشربانا ... هى الى ملبسانا
وألف مبروك على خطووووووبتك وسورى لو جات متأخره بس اعذرينى كنت فاصل نت

CheToS said...

فاطمة الزهراء

المدونه زادت اشراقا وتلألؤا بوجودك
لا تحرمينا من وجودك

CheToS said...

rodi

قوليلهم والنبى وياريتهم حاسين بينا لا بالعكس الناس فاكره ان كل الدكاتره بتعمل عمليات بالآلاف بس والله دى مش غلطتنا دى غلطه الحكومه اللى مش بتقدر العلم والعلماء وياريتنى كنت رقاصه كان زمان الناس كلها بتحسدنى على مكانتى الفنيه العاليه ههههههههه وعجبى
ولا يهمك استعيرى الصوره بس حترجعيها امتى ؟ ولا حتأجريها وتسيبيها بعد كدا هههههههههه
المدونه كلها تحت أمرك ... والمدونه للبيع أو الايجار لو فيه زبائن

CheToS said...

Hossam

يا راجل تبقى من طنطا وماعرفش لا عيب فى حقنا احنا الاتنين ... الباشا منين من طنطا وقولى على يوم تيجى فيه زياره للمجمع وتشوف المجارى على الطبيعه وحتتكيف من المنظر واحتمال المنظر يعجبك وتبات فى المجمع هههههههه

CheToS said...

دكتور بهــدوء

ههههههههههه هو كليات طب مصر كلها حتغرق ولا ايه .... وعلى العموم لو دا من خيره بلدنا فيارب كتر من مجارى بلدنا هههههههه عليه العوض ومنه العوض

CheToS said...

اتحادالمدونين المصريين

تمت قراءه الموضوع وآسف لتأخرى فى الرد نظرا لكونى كنت فاصل نت من فتره طويله
وتمت وضع شعار الاتحاد
شكرا لحضورك ومتابعتك للمدونه

اتحادالمدونين المصريين said...

اخى الفاضل

اختى الفاضلة

********************** دعوة ***********************

ندعوكم للمشاركة فى حملتنا من اجل فلسطين ومن اجل اسرى المسلمين فى سجون

الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى

تجرى محاولات لشطبة وطمسه من قرارات الامم المتحدة .....

فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية

د/اجدع بنوته said...

شد ف الامتحانات ياشيتوس

ربنا معاك يارب

د/اجدع بنوته said...

شد ف الامتحانات ياشيتوس

ربنا معاك يارب

Gelaan said...

شيتوس
انتا فين يابنى
مختفي لييييييييييييييه ياشيتوس
يارب يارب تكون بخير
وكل سنه وانتا طيب
النتيجه زى الفل الحمد لله
بس مش الى انا عاوزاها
وع فكرة مش عندي مانع انى اركب القطر
بس الم مصر كلها معايا
تحياتى
ورمضان كريم

اتحاد المدونين المصريين said...

اخ الفاضل - اختى الفاضلة

عضو اتحاد المدونين المصريين

كل عام ونحن جميعا الى الله اقرب

كل التهنئة بقدوم شهر رمضان

اعاده الله علينا جميعا بالخير والبركات

ودعواتنا جميعا بتحقيق الامال التى نصبوا اليها

اتحاد المدونين المصريين said...

يدعوكم اتحاد المدونين المصريين الى مساندة ودعم زميلنا العزيز

الاستاذ

خالد الصاوى

صاحب مدونة

منارة العرب

فى محنته المرضية التى يمر بها ..

لمزيد من التفاصيل برجاء زيارة مدونة الاتحاد