عجبى عليكى ف بسمتك ألغاز
وف ضحكتك تأخدى لقب أستاذ
بحلم بنفسى ف بدلتى وإنتى
فستانك أبيض منور البرواز
يمكن تكون الصوره دى أحلام
جايز حقيقه مخبياها أيام
مقدرش أقول ياحبيبتى غير إنى
من حبر روحى كتبتلك.. أجمل كلام
من وقت للتانى بلاقيكى وحشانى
الناس كتير جنبى لكنى وحدانى
بضحك ومش ببكى ولا بشكى ولا بحكى
لو كل الحاجات ملكى فى حاجه نقصانى
لسه إنتى فى عينيا أول هوا ليا
لو كنتى فين شيفك بتعيشى حواليا
وانتى اللى باقيالى وأنا لسه على حالى
لو عمرى كان غالى إنتى أغلى شويه
هناك 6 تعليقات:
يا سيكي يا سيكي
الحب واه من الحب
الله يسهله يا عمونا
علي فكره انته اللي استاذ
خاطره رائعه
الله رائعه رائعه رائعه
احساسك عالى اوى وراقى جدا
بجد تحفه
بس سؤال عميق
هى النداره بتاعة حضرتك اللى م غير فريم دى عمليه مبتقعش يعنى
انت عارف الكليه بتاعتنا والتنطيط
الواحد خايف ربنا يوعدوا بعيان chorea
يخبطه فيها يلزق العدستين ف ال cornea
وش
فاحب اعرف تجربتك مع هذا النوع م الندارات
لانا انا ماشيه دلوقت بنداره مساحات علويه فقط ههههه فريم علوىى
تحياتى
الله عليك يا ابو مازن
ايه الروعة دي
مش هنشوف ديوانك بقه في الأسواق ولا ايه
ميرسى جدا يا د/ أجدع بنوته على تعليقك الجميل وبالنسسبه للنظاره فهى عمليه جدا ومش بتتكسر لأنها ضد الميه ضد النور وياسلام بقة كمان لو العدسات مضغوطه زى بتاعتى كده يبقى تمام قوى مش حتبان انك لاابسه نظاره خالص وربنا يبعدنا عن المرضى بتوع النفسيه والعصبيه خليكى فى بتوع الباطنه أو الأطفال أحسن
ميرسى أى يا مودى وحبيبنا أحمد الهادى وكبيرنا أبو ماضى على مرورهم وتعليقاتهم الروعه وأقولكم حضوركم متألق كالعاده دمتم بخير وسعاده وبالنسبه للديوان يا كبيييير لما تنزل انت الأول ديوانك حتلاقينى فى ذيلك على طوووول
إرسال تعليق